ეკონომიკურ მაჩვენებლებს შეუძლიათ შესამჩნევი გავლენა იქონიონ ფორექსისა და CFD- ის ფასებზე. შესაბამისად, ბევრი ტრეიდერი ყურადღებით ადევნებს თვალს ეკონომიკურ კალენდარს, რათა იცოდეს მოსალოდნელი არასტაბილურობის პოტენციური ზრდა.
რატომ აქვს მას ასეთი ზეგავლენა საბაზრო ფასებზე?
პასუხის ნაწილი მდგომარეობს რეპორტის დროულობაში. დასაქმებისა და ბიზნესის ციკლები მჭიდროდაა დაკავშირებული ერთმანეთთან. ისტორიის მიხედვით ცვლილებები არასასოფლო -სამეურნეო სექტორში მოძრაობდა მშპ -ის კვარტალური ცვლილებების ანალოგიურად. ეს მჭიდრო კორელაცია ნიშნავს იმას, რომ ხელფასის მონაცემები შეიძლება გამოყენებულ იქნას მშპ -ს კრიტერიუმად.
ამ ორს შორის ფუნდამენტური განსხვავება ისაა, რომ არასასოფლო -სამეურნეო სახელფასო გადასახადები ქვეყნდება ყოველთვიურად, იმ თვეზე, რომელიც დასრულდა სულ რამდენიმე დღით ადრე. მშპ ქვეყნდება კვარტალურად და დიდი დაგვიანებით.
პასუხის მეორე ნაწილია რეპორტის გავლენა მონეტარულ პოლიტიკაზე. მაქსიმალური დასაქმება და სტაბილური ფასები არის ფედერალური სარეზერვო სისტემის (Fed) სამი მონეტარული მიზნიდან, ორი. (ეს ორი ძირითადი მიზანი ხშირად მოიხსენიება, როგორც Fed– ის ორმაგი მანდატი). აქედან გამომდინარეობს, რომ დასაქმების მონაცემებს შეუძლიათ მნიშვნელოვანი გავლენა იქონიონ ბაზრის აღქმაზე მონეტარული პოლიტიკის სამომავლო მიმართულების შესახებ.
1. მთლიანი შიდა პროდუქტი (მშპ)
მშპ არის ეკონომიკის საერთო მდგომარეობის მაჩვენებელი. რადგან მის შედგენას ჭირდება დიდი დრო, ხშირად მისი პირდაპირი გავლენა ფორექსზე და CFD ფასებზე არ ვლინდება - და მონაცემების გამოქვეყნებისთანავე, ბევრი კომპონენტი უკვე ცნობილია, შესაბამისად მოლოდინი ხშირად საკმაოდ ზუსტია. თუმცა, თუ რიცხვი მნიშვნელოვნად განსხვავდება მოლოდისგან, მას მაინც აქვს ბაზრის მოძრაობის პოტენციალი.
დროულობის არარსებობის მიუხედავად, ეს მაინც ძალიან მნიშვნელოვანი მაჩვენებელია, რადგან ეს არის ერთადერთი საუკეთესო საზომი, რომელიც გამოიყენება ბიზნესის მიმდინარე ციკლისა და მდგომარეობის გასაგებად..
ბიზნეს ციკლი არის მთავარი საკვანძო კონცეფცია თანამედროვე ეკონომიკაში. იგი შედგება ექსპანსიის ფაზისგან, როდესაც ეკონომიკის მრავალი სფერო ერთდროულად იზრდება და რეცესიის ფაზისგან, როდესაც ეკონომიკური აქტივობა მცირდება. ვინაიდან ეკონომიკური საქმიანობის ყველაზე ფართო საზომი არის მშპ, ეკონომისტები ცდილობენ დაადგინონ სად ვართ ბიზნეს ციკლში მშპ -ს ზრდისა და შემცირების მონაცვლეობით.
რეცესიის ტექნიკური განმარტება არის მშპ -ს შემცირების ორი მეოთხედი. რეცესია მთავრდება, როგორც კი ვნახავთ ზრდის მეოთხედს. პოლიტიკოსები და ეკონომიკის ანალიტიკოსები დიდ ყურადღებას ამახვილებენ ამ მაჩვენებელზე, ზუსტად იმიტომ, რომ ის არის ყოვლისმომცველი საზომი. საინვესტიციო ბანკები მიმართავენ „ზემოდან ქვემოთ“ მიდგომას, ფორექსის ანალიზისთვის, რომელიც იწყება პროგნოზების გაკეთებით საერთო ეკონომიკური კლიმატისთვის. მშპ არის სავალუტო ბაზრის მაკროეკონომიკური ანალიზის ძირითადი ნაწილი.
როგორც პროფესიონალმა ტრეიდერებმა, ჩვენ უნდა ვიცოდეთ ამის შესახებ, მაგრამ თქვენ ასევე უნდა გააცნობიეროთ ის ფაქტი, რომ ვინაიდან მშპ არის გვიანი მაჩვენებელი, მისი ძირითადი გამოყენება მდგომარეობს იმის დადასტურებაში, რასაც ჩვენ უკვე ველოდებით. დროულობის არარსებობა ნიშნავს, რომ მისი სარგებლობა, როგორც სავაჭრო ინსტრუმენტი მოკლე და საშუალოვადიანი ვაჭრობისთვის, შეზღუდულია. აშშ -ს მშპ გამოდის მხოლოდ კვარტალში ერთხელ და ყველაზე ადრეული შეფასებებიც კი თარიღდება რამდენიმე თვით ადრე.
მაშასადამე, სასარგებლო იქნება, გქონდეთ ისეთი რამ, რაც შეიძლება გამოყენებულ იქნას როგორც მშპ -ს მჭიდრო შუამავლი, რომელიც უფრო ხშირად გატყობინებთ ინფორმაციას- რასაც მივყვართ ჩვენს შემდეგ ინდიკატორამდე.
2. არასასოფლო-სამეურნეო სფეროში დასაქმებულთა მონაცემები (NFP)
Forex და CFD მოვაჭრეების უმეტესობისთვის, ეს არის ყველაზე მნიშვნელოვანი მაჩვენებელი ყოველთვიურ კალენდარში. იგი ქვეყნდება ყოველი თვის პირველ პარასკევს შრომის სტატისტიკის ბიუროს მიერ (BLS) უმუშევრობის დონესთან ერთად, როგორც დასაქმების მდგომარეობის ანგარიშის ნაწილი. მიზეზი, რის გამოც მას ასე ყურადღებით ადევნებენ თვალს, არის ის, რომ ამ ინფორმაციას მნიშვნელოვანი გავლენა აქვს ფორექსის ბაზრის მოძრაობაზე.
ქვემოთ მოცემული ერთ წუთიანი EUR/USD სქემა ასახავს ასეთ მოძრაობას. ყვითელი ვერტიკალური ხაზი აღნიშნავს გამოქვეყნებული დასაქმების მდგომარეობას, რომელიც გამოქვეყნდა 2017 წლის 7 ივლისს. ყურადღება მიაქციეთ რამდენად მკვეთრად შეიცვალა ფასი სულ რაღაც ერთ წუთში. ასევე, როგორ გაიზარდა თითოეული ზოლის საშუალო დიაპაზონი ანგარიშის გამოქვეყნების შემდეგ, წინასთან შედარებით.
რატომ აქვს მას ასეთი ზეგავლენა საბაზრო ფასებზე?
პასუხის ნაწილი მდგომარეობს რეპორტის დროულობაში. დასაქმებისა და ბიზნესის ციკლები მჭიდროდაა დაკავშირებული ერთმანეთთან. ისტორიის მიხედვით ცვლილებები არასასოფლო -სამეურნეო სექტორში მოძრაობდა მშპ -ის კვარტალური ცვლილებების ანალოგიურად. ეს მჭიდრო კორელაცია ნიშნავს იმას, რომ ხელფასის მონაცემები შეიძლება გამოყენებულ იქნას მშპ -ს კრიტერიუმად.
ამ ორს შორის ფუნდამენტური განსხვავება ისაა, რომ არასასოფლო -სამეურნეო სახელფასო გადასახადები ქვეყნდება ყოველთვიურად, იმ თვეზე, რომელიც დასრულდა სულ რამდენიმე დღით ადრე. მშპ ქვეყნდება კვარტალურად და დიდი დაგვიანებით.
პასუხის მეორე ნაწილია რეპორტის გავლენა მონეტარულ პოლიტიკაზე. მაქსიმალური დასაქმება და სტაბილური ფასები არის ფედერალური სარეზერვო სისტემის (Fed) სამი მონეტარული მიზნიდან, ორი. (ეს ორი ძირითადი მიზანი ხშირად მოიხსენიება, როგორც Fed– ის ორმაგი მანდატი). აქედან გამომდინარეობს, რომ დასაქმების მონაცემებს შეუძლიათ მნიშვნელოვანი გავლენა იქონიონ ბაზრის აღქმაზე მონეტარული პოლიტიკის სამომავლო მიმართულების შესახებ.
3. უმუშევრობის დონე
უმუშევრობის დონე განისაზღვრება, როგორც შრომის ძალის პროცენტი, რომელიც აქტიურად ეძებს სამუშაოს. ხოლო სიტუაციის გამოსწორების პერიოდში უმუშევრობა მოქმედებს, როგორც ნელი ინდიკატორი. ჩვენ ვხედავთ, რომ უმუშევრობა იზრდება მაშინაც, როცა მშპ -ს დონე მცირდება. უმუშევრობა ასევე მჭიდროდ არის დაკავშირებული მომხმარებელთა განწყობასთან. უმუშევრობის ხანგრძლივმა პერიოდებმა უკიდურესად უარყოფითი გავლენა მოახდინა სამომხმარებლო განწყობაზე და, შესაბამისად, ასევე იმოქმედა სამომხმარებლო ხარჯებზე და ეკონომიკის ზრდაზე.
როგორც არასასოფლო-სამეურნეოს გადასახადების ანგარიშების შემთხვევაში, უმუშევრობის მონაცემები CFD-ზე მოვაჭრე ტრეიდერებს აძლევს წარმოდგენას ერთ – ერთ მთავარ მაჩვენებელზე, რომელსაც მიყვება ფედერალური რეზერვი. ეს ნიშნავს, რომ მოლოდინებისგან ნებისმიერი დიდი განსხვავება, სავარაუდოდ, ძლიერ გავლენას იქონიებს ფორექსსა და საფონდო ბაზრებზე. სხვა ყველა თანაბარ პირობებში, აშშ – ს შრომის ბაზრის სისუსტე ჩაითვლება დაღმავალ (დათვის) ტალღად აქციების ფასებისა და აშშ დოლარისთვის.
4. ფედერალური ფონდების განაკვეთი
ფედერალური ღია ბაზრის კომიტეტი (FOMC) იკრიბება წელიწადში რვაჯერ, თავიანთი რეგულარული გრაფიკით აშშ -ს მონეტარული პოლიტიკის დასადგენად. FOMC შეხვედრის შედეგებმა შეიძლება მნიშვნელოვნად იმოქმედოს ფორექსის ბაზარზე, თუ რაიმე გადახრა მოხდება მოსალოდნელ კურსზე. ფორექსის ბაზარზე განაკვეთების მთავარი განმსაზღვრელია ორი მონაწილე ქვეყნის საპროცენტო განაკვეთების დონე და ამ საპროცენტო განაკვეთების მოლოდინი.
თუ ფედერალური რეზერვი შეცვლის ფედერალური სახსრების განაკვეთს ან უბრალოდ შეცვლის მის წარმოდგენას მონეტარული პოლიტიკის სამომავლო კურსის შესახებ, ეს გავლენას მოახდენს მსოფლიოში ყველაზე მნიშვნელოვან ვალუტაზე აშშ დოლარზე. როგორც ფედერალური ღია ბაზრის კომიტეტის (FOMC) ყოველი შეხვედრის შემდეგ გამოქვეყნებული განცხადების ნაწილი, ფედერალური რეზერვი (FED) იძლევა წინარე მითითებებს მონეტარული პოლიტიკის მოსალოდნელი გზის შესახებ.
ეს არის ახალი ზომები, რომელიც მიზნად ისახავს ფინანსური ბაზრების ვოლატილობის შემცირების მცდელობების გამჭვირვალობის გაზრდას. შედეგად, მონეტარული პოლიტიკის ცვლილებები, როგორც წესი, გარკვეულ დონეზე წინასწარ არის გაცხადებული. ეს ნიშნავს, რომ წინასწარ ხელმძღვანელობას აქვს ბაზრის გადაადგილების პოტენციალი, ისევე როგორც პოლიტიკის ფაქტობრივი ცვლილებას. სერიოზული ფორექს ან CFD ტრეიდერი ყოველთვის რწმუნდება, რომ მან იცის ფედერალური ღია ბაზრის კომიტეტის (FOMC) შეხვედრების განრიგი.
5. მომხმარებელთა ნდობის ინდექსი / მიჩიგანის უნივერსიტეტის მომხმარებელთა განწყობის ინდექსი
ჩვენს სიაში მეხუთე ადგილზე არის ორი რეპორტი. კონფერენციის საბჭოს მიერ შედგენილი მომხმარებელთა ნდობის ინდექსი და მიჩიგანის უნივერსიტეტის მომხმარებელთა განწყობის ინდექსი. არსებობს მომხმარებელთა გამოკითხვის ბევრი რეპორტი, მაგრამ ეს ორი ყველაზე ცნობილია და ფართოდ გამოიყენება ეკონომისტებისა და Forex / CFD ტრეიდერების მიერ. ეს ანგარიშები არის მნიშვნელოვანი, რადგან არაფერი ახდენს ამერიკული ეკონომიკის სტიმულირებას ისე, როგორც სამომხმარებლო ხარჯები. სამომხმარებლო ნდობა საშუალებას გვაძლევს ვიცოდეთ რას გრძნობენ და ფიქრობენ მომხმარებლები.
თუ ისინი თავს უსაფრთხოდ გრძნობენ თავიანთ სამუშაო ადგილზე და ოპტიმისტურად არიან განწყობილნი თავიანთი მომავალი ეკონომიკური პერსპექტივების მიმართ, რა დასკვნის გაკეთება შეგვიძლია? ლოგიკურია ვივარაუდოთ, რომ ისინი შეიძლება უფრო მეტად არიან მიდრეკილნი ფულის ხარჯვაზე, გართობასა და დასვენებაზე. იგი ხელს შეუწყობს ეკონომიკურ ზრდას. რადგან სამომხმარებლო ოპტიმიზმი ან პესიმიზმი დიდ გავლენას ახდენს ეკონომიკურ მსოფლმხედველობაზე, რის გამო ეს ორი ანგარიში უნდა შედიოდეს ეკონომიკური მაჩვენებლების ნებისმიერ ჩამონათვალში. სამომხმარებლო ნდობის ინდექსი გამოდის თვის ბოლოს, ხოლო მიჩიგანის უნივერსიტეტი თავის კვლევას აქვეყნებს თვეში ორჯერ.
ეს მოიცავს წინასწარ მოსმენას თვის მეორე პარასკევიდან , ბოლო პარასკევამდე. საბოლოო შეფასება მოხდება ორ კვირაში. როდესაც ბიზნეს ციკლი გარდამტეხ მომენტთან ახლოს არის, ეს ანგარიშები ყველაზე დიდ გავლენას ახდენენ ფორექსსა და საფონდო ბაზრებზე. ძლიერი სამომხმარებლო განწყობა მიუთითებს მომავალში ეკონომიკის შესაძლო ზრდაზე, რაც აქციებისთვის აღმავალი (ხარის) ტრენდის მომტანია. სუსტი სამომხმარებლო განწყობა კი მიუთითებს ვარდნაზე, რაც არის ფასის დაღმასვლის (დათვის) სიგნალი საფონდო ბაზარზე.
მიჩიგანის უნივერსიტეტის გამოკითხვა ხშირად გამოდის, რაც სასარგებლოა. თუმცა, საკონფერენციო საბჭოს ანგარიში განიხილავს რესპონდენტთა უფრო ფართო სპექტრს, რაც მიუთითებს სტატისტიკურ საიმედოობაზე. ორივე ტენდენცია კარგად არის დაკავშირებული ბიზნეს ციკლის შემობრუნებასთან, მაგრამ მათზე დიდი გავლენა აქვს შრომის ბაზარს. თუ უმუშევრობა კვლავ მაღალია, ეკონომიკის სხვა ნაწილების აღდგენის ფონზე, საბაზრო განწყობა შეიძლება დარჩეს დეპრესიული, რის გამოც ასეთ სიტუაციაში იგი იქცევა ნელ ინდიკატორად.
6. სამომხმარებლო ფასების ინდექსი (CPI)
სამომხმარებლო ფასების ინდექსი (CPI) ზომავს საქონლისა და მომსახურების ღირებულებას, რომელიც დაკავშირებულია ძირითადი საწყისი წერტილის ინდექსთან. ეს გვაძლევს ობიექტურ წარმოდგენას იმაზე, თუ რამდენად სწრაფად იზრდება ან იკლებს ფასები. როგორც უკვე აღვნიშნეთ, ფასების სტაბილურობა არის ფედერალური რეზერვის ორმაგი მანდატის ნაწილი. როდესაც ინფლაცია მიზნობრივ დონეზეა, ის ნორმალურად ან თუნდაც სასურველად ითვლება. თუმცა, თუ ინფლაცია მიზნობრივ მიზანს გადაუხვევს, მას შეიძლება ჰქონდეს უარყოფითი შედეგები ეკონომიკაზე.
ფედერალური რეზერვის ეკონომისტებს ურჩევნიათ ყურადღება გაამახვილონ პირადი მოხმარების ხარჯვის ფასების ინდექსს (PCE) რომელიც შედის მშპ – ს ანგარიშის ნაწილში. მაგრამ ეს ქვეყნდება კვარტალურად, ამიტომ ფორექს და CFD ტრეიდერები ხშირად უყურებენ CPI– ს, რადგან ეს არის ინფლაციის დროული მაჩვენებელი. CPI- ს სარგებლობა, როგორც წამყვანი მაჩვენებელი ეკონომიკისთვის, შეზღუდულია. დადასტურდა, რომ იგი არის სუსტი მაჩვენებელი ბიზნეს ციკლის შემობრუნებისთვის, მიუხედავად ბუნებრივი და ლოგიკური კავშირისა ეკონომიკურ ზრდას, მოთხოვნასა და უფრო მაღალ ფასებს შორის.
1970 -იანი და 1980 -იანი წლების დასაწყისში აშშ -ს ეკონომიკისთვის პრობლემა იყო მაღალი ინფლაციის დონე, ხოლო გლობალური ფინანსური კრიზისის შემდეგ, კი პირიქით საფრთხეს წარმოადგენდა დეფლაცია. დეფლაცია აზარალებს ეკონომიკას იმით, რომ მოუწოდებს მომხმარებლებს თავი შეიკავონ საყიდლებისგან, რადგან ისინი მომავალში კიდევ უფრო გაიაფდება, სანამ ფასები დაცემას განაგრძობს. ვინაიდან სამომხმარებლო ხარჯები წარმოადგენს მშპ -ს დიდ ნაწილს, ის შეანელებს ეკონომიკურ ზრდას და შეუძლია შექმნას მანკიერი წრე.
ვინაიდან ინფლაცია პირდაპირ გავლენას ახდენს მონეტარულ პოლიტიკაზე, CPI ანგარიშს შეუძლია დიდი გავლენა იქონიოს ობლიგაციების, ვალუტისა და აქციების ფასებზე. ჩვეულებისამებრ ყველაზე დიდი გავლენა აქვთ იმ ინფორმაციებს, რომლებიც განსხვავდება მოსალოდნელი მონაცემებისგან. მაგალითად, თუ სამომხმარებლო ფასების ინდექსი გაცილებით მაღალი იქნება ვიდრე მოსალოდნელი იყო, ის შეცვლის წარმოდგენას, იმის შესახებ, რომ ფედერალური რეზერვი დიდი ალბათობით მომავალში გააძლიერებს მონეტარულ პოლიტიკას. ყველა სხვა თანაბარ პირობებში, ეს უნდა იყოს აშშ დოლარისთვის აღმავალი (ხარის) ტრენდი.
ანალოგიური გზით შეუძლია CFD-ს ტრეიდერმა ინფლაციური მონაცემები განმარტოს, როგორც დაღმავალი ტრენდი საფონდო ბაზრისთვის. რადგან მკაცრი მონეტარული პოლიტიკა ამცირებს რისკის მადას. ფინანსური კრიზისის შემდეგ, დაბალმა ინფლაციურმა გარემომ, აიძულა ფედერალური სარეზერვო სისტემა დაეცვა ძალიან რბილი მონეტარული პოლიტიკა. გარკვეულწილად ეს პასუხისმგებელი იყო გახანგრძლივებულ ხარის ბაზარზე, რაც ვიხილეთ აშშ-ს შემთხვევაში.
7. სამრეწველო წარმოების ინდექსი
სამრეწველო წარმოების ინდექსი ზომავს შეერთებულ შტატებში წარმოების დონეს (წარმოებული მასალების რაოდენობის მიხედვით) საბაზისო წელთან შედარებით სამ ფართო სფეროზე: წარმოების, სამთო, გაზისა და ელექტროენერგიის. ანგარიში დგინდება ფედერალური სარეზერვო სისტემის მიერ და ქვეყნდება ყოველი თვის შუა რიცხვებში. ინდექსის ზოგიერთი მონაცემი არის საიმედო წყაროებიდან, რომლებიც უშუალოდ მიიღება სავაჭრო ორგანიზაციებისგან ან ოფიციალური გამოკითხვებისგან, მაგრამ ეს შეიძლება არ იყოს ხელმისაწვდომი ყოველთვიურად.
ხარვეზების შესავსებად, ფედერალური ბანკი აკეთებს შეფასებებს პროქსი-სერვერების გამოყენებით, როგორიცაა სამუშაო საათები დასაქმების სიტუაციის ანგარიშიდან ან იმ ინდუსტრიის მიერ თვის განმავლობაში მოხმარებული ენერგიის რაოდენობა. ინდექსის გაანგარიშების სრული პროცესი განთავსებულია საუკეთესო ადგილას, რათა იპოვოთ გამოყენებული მეთოდოლოგიის სრული შეჯამება - ფედერალური რეზერვის საკუთარი განმარტებითი გვერდებიდან. არსებობს ასობით კომპონენტი, რაც ქმნის ინდექსს, რომელიც შემდეგ ნაჩვენებია ინდექსის დონეზე.
მაგალითად, 2017 წლის მაისის სამრეწველო წარმოების ინდექსის წინასწარი გამოშვება შეადგენდა 105.0-ს, ეს არის წარმოების მიმდინარე მოცულობის გამოხატულება საბაზისო წელთან შედარებით. ამ სტატიის დაწერისას, ფედერალურმა რეზერვა 2007 წელი გამოიყენა, როგორც ძირითადი პერიოდი. ამრიგად, 105.0 დონე 2017 წლის მაისში ნიშნავდა, რომ წარმოების დონე 5% -ით აღემატებოდა 2007 წლის საბაზისო პერიოდის საშუალო დონეს. წარმოება მხოლოდ ამერიკის ეკონომიკის დაახლოებით 20% -ს შეადგენს, მაგრამ მას ყურადღებით ადევნებენ თვალს FX და CFD ტრეიდერები.
წარმოების სექტორი მნიშვნელოვანია, რადგან სამშენებლო სექტორთან ერთად ის არის პასუხისმგებელი აშშ – ს წარმოების ცვლილებების უმეტესობაზე, რაც ჩანს ბიზნეს ციკლში და შეუძლია წარმოდგენა შეგვიქმნას სტრუქტურული ეკონომიკური ცვლილებების ევოლუციაზე. სამრეწველო წარმოების ინდექსი პროციკლურია. ეს ნიშნავს, იმას რომ არსებობს შეთანხმება მის მოძრაობებსა და ბიზნეს ციკლში ცვლილებებს შორის. ამ ინდექსსა და ეკონომიკურ აქტივობას შორის კორელაცია საკმაოდ მჭიდროა, რათა ზოგიერთმა ანალიტიკოსმა გამოიყენოს ეს ანგარიში, როგორც ადრეული სიგნალი იმისა, თუ როგორ შეიძლება განვითარდეს მშპ.
8. შესაძლებლობების გამოყენება
ეს მაჩვენებელი გვიჩვენებს, თუ როგორ მუშაობს აშშ – ს წარმოების სექტორი სრული სიმძლავრის პროპორციულად. სრული სიმძლავრის განსაზღვრა არის მდგრადი წარმოების უმაღლესი დონე, რომლის მიღწევაც ქარხანას შეუძლია რეალისტურ ფარგლებში. სხვა სიტყვებით რომ ვთქვათ, ის ითვალისწინებს ისეთ რაღაცეებს, როგორიცაა ნორმალური გათიშვის, გაჩერების დრო. იგი გამოითვლება სამრეწველო წარმოების ინდექსის გაყოფით სრული სიმძლავრის ინდექსზე.
ეს გვაძლევს დროულ ინფორმაციას წარმოების / ეკონომიკის მდგომარეობის შესახებ, ასევე წარმოდგენას იმ ტენდენციებზე, რომლებიც შეიძლება წარმოიშვას წარმოების სექტორში.მას ასევე შეუძლია წარმოგვიდგინოს მინიშნებები ინფლაციის შესახებ. თუ ქარხნები მუშაობენ დაუღალავ რეჟიმში, გონივრულია ვივარაუდოთ, რომ მწარმოებლებს შეუძლიათ ფასების გაზრდა. თუ ქარხნები მუშაობენ მაქსიმალური სიმძლავრით, სავარაუდოა, რომ მანქანები წყობიდან გამოვლენ ზედმეტი მუშაობის შედეგად.
მანქანების ავტონომიურ რეჟიმზე გადასვლა შექმნის მუშების გათავისუფლების რისკს, მაღალი მოთხოვნის პერიოდში, რაც არასასურველია. შესაბამისად, მწარმოებლები მაღალ მოთხოვნას გაუმკლავდებიან ფასების გაზრდით და არა მუშების გათავისუფლებით. ეს, თავის მხრივ, სავარაუდოდ გავლენას მოახდენს სამომხმარებლო ფასებზე, რაც გაზრდის ინფლაციას. და პირიქით, თუ შესაძლებლობების გამოყენება დაბალ დონეზე მიმდინარეობს, ეს არის ეკონომიკური სისუსტის მანიშნებელი.
როგორც წესი, 78% –ზე დაბალი მაჩვენებლები ისტორიულად ახასიათებდა მოსალოდნელ რეცესიას - ან შეიძლება მიუთითებდეს კიდეც, რომ ეკონომიკა უკვე რეცესიაშია. ამრიგად, ამ მაჩვენებელს ფედერალური რეზერვი იყენებს საწარმოო ინდუსტრიის, მთლიანად ეკონომიკისა და ინფლაციის ტენდენციების შესაფასებლად. ეს მას ხდის მნიშვნელოვან მაჩვენებლად CFD-ს ტრეიდერებისთვის, განსაკუთრებით კი მათთვის, ვინც ვაჭრობს ობლიგაციებზე, მაგრამ ის ასევე არის ძირითადი მარკერი საფონდო და სავალუტო ბაზრის ტრეიდერებისთვისაც.
9. საცალო გაყიდვები
მისი სრული სახელია წინასწარი ყოველთვიური საცალო გაყიდვები. თუმცა, მას ფორექს ტრეიდერები იცნობენ, როგორც საცალო გაყიდვები. აღწერის ბიურო, რომელიც არის შეერთებული შტატების კომერციის დეპარტამენტის განყოფილება, აქვეყნებს ანგარიშს მიმდინარე თვიდან დაახლოებით ორი კვირის შემდეგ, 08:30 (ET) საათზე. ანგარიში იძლევა საცალო სექტორში გაყიდვების ნომინალური დოლარის ღირებულების ადრეულ შეფასებას (რიცხვი არ არის მორგებული ინფლაციაზე) და ასევე აცხადებს რიცხვს პროცენტული ცვლილებით წინა თვესთან შედარებით.
ჩვეულებრივ CFD და Forex ტრეიდერები რეაგირებენ ამ ბოლო ციფრზე. ეს არის ანგარიში, რომელსაც ყურადრებით ადევნებენ თავალყურს და შეიძლება გამოიწვიოს საბაზრო ფასების დარღვევა, განსაკუთრებით იმ შემთხვევაში, თუ არსებობს დიდი შეუსაბამობა მოხსენებულ მაჩვენებელსა და უოლ სტრიტის მოლოდინებს შორის. რატომ არის ეს ანგარიში ასეთი მნიშვნელოვანი? ეს ყველაფერი ეხება პირადი მოხმარების ხარჯებს (PCE). სამომხმარებლო პირადი ხარჯების ინდექსი არის აშშ -ს ეკონომიკის ზრდის ერთ -ერთი მთავარი მამოძრავებელი ძალა.
ის ძირითადად მოიცავს პირადი მოხმარების ხარჯებს, რომელიც შემდგომ პირდაპირ შედის მშპ-ს გამოთვლებში. ამ ანგარიშში შეტანილი მონაცემები უფრო სრულყოფილია ვიდრე საცალო გაყიდვების ანგარიში. მნიშვნელოვანია აღინიშნოს, საცალო გაყიდვების მონაცემები გამოდის რამდენიმე კვირით ადრე, რაც უფრო დროულ წარმოდგენას იძლევა ეკონომიკის იმავე სფეროზე.თუ საცალო გაყიდვები იზრდება, ეს არის დადებითი ეკონომიკური მაჩვენებელი და ის ტენდენციურად აისახება საფონდო ბაზარზე.
თუმცა, გაყიდვების ძლიერმა მონაცემებმა შეიძლება გაზარდოს ფასები, რაც იმას ნიშნავს, რომ ინფლაციური მოსაზრებები უნდა იქნას გათვალისწინებული. როგორც წესი, ეს პოზიტიურია აშშ დოლარისთვის, მაგრამ დაღმავალი (დათვის) ტრენდია ობლიგაციების ფასების მიმართ. და პირიქით თუ გაყიდვების მონაცემები სუსტია, მაშინ ეს იქნება უარყოფითი დოლარისთვის და დადებითი ობლიგაციებისთვის.
მანქანები, ასეთი ნივთების მაღალი ღირებულების გამო, ჩვეულებრივ არ ნაწილდება თანაბრად თვეების განმავლობაში. შესაბამისად, ანალიტიკოსები ხშირად ყურადღებას ამახვილებენ საცალო გაყიდვებზე და გამორიცხავენ ავტო გაყიდვებს, რათა ამოიღონ არაპროგნოზირებადი ვარიაციები და უფრო ადვილად აღიქვან მონაცემების ძირითადი ტენდენციები.
10. შეკვეთები საქონელზე ხანგრძლივი მოხმარებისთვის
ანგარიშს ხანგრძლივი მოხმარების საქონლის შეკვეთის შესახებ აქვეყნებს აღწერის ბიურო, აშშ – ს კომერციის დეპარტამენტის ნაწილი. იგი ქვეყნდება დაახლოებით 18 სამუშაო დღის შემდეგ იმ თვის დასრულებისას, რომლისთვისაც ხდება ანგარიში (ზუსტი დღე განსხვავდება იმ დროს სხვა ძირითადი გამოშვების გრაფიკის მიხედვით). ხანგრძლივიი მოხმარების საქონელი განისაზღვრება, როგორც საქონელი რომლის გამოყენების ვადა მოიცავს მინიმუმ სამ წელს. სხვა სიტყვებით რომ ვთქვათ, ჩვენ ჩვეულებრივ ვსაუბრობთ ძვირადღირებულ ნივთებზე, რომლებსაც იშვიათად ყიდულობენ.
ეს იშვიათობა ნიშნავს, რომ ანგარიში მიდრეკილია არასტაბილურობისკენ და თქვენ უნდა იყოთ ძალიან ფრთხილად, რასაც კითხულობთ ცალკეულ ანგარიშში. ანალიტიკოსები ხშირად გამორიცხავენ ანგარიშის სატრანსპორტო კომპონენტს რათა შეამცირონ არასტაბილურობა. სხვა ტექნიკა, რომელიც გამოიყენება არის მოხსენებების მთელი სერიის ერთად გადახედვა, რათა შეაფასონ ტენდენციის ძირითადი აზრი. ასევე, სიფრთხილით მოეკიდეთ წინა თვის მონაცემების ცვლილებებს, რომლებიც შეიძლება მნიშვნელოვანი იყოს.
თუ მოთხოვნა ძლიერია და კომპანიებს აქვთ ოპტიმისტური ხედვა, ჩვენ ველოდებით ხანგრძლივი მოხმარების საქონელზე ახალი შეკვეთების ზრდას. მეორეს მხრივ, სუსტი ეკონომიკური კლიმატის პირობებში, ჩვენ ველოდებით შეკვეთების შემცირებას, ამრიგად, ამ ანგარიშში სიძლიერე ნიშნავს აღმავალ (ხარის) ტრენდს, ხოლო სისუსტე პირიქით, დაღმავალს (დათვის).
რაც შეეხება CFD-ს ტრეიდერებს, სიძლიერე ხანგრძლივი მოხმარების საქონელზე არის პოზიტიური ნიშანი აქციებისთვის. ფორექსის ბაზარზე ზემოქმედების თვალსაზრისით, აშშ დოლარისთვის და აქციებისთვის ერთნაირად განვითარდება მოვლენები. ძლიერი ანგარიში დოლარისთვის არის აღმავალი (ხარის) ტრენდი, რადგან მზარდი ეკონომიკა მიდრეკილი იქნება ფედერალური რეზერვის მონეტარული პოლიტიკის გამკაცრებისკენ.
11. პირველადი განაცხადები უმუშევრობის შემწეობაზე
ეს "ყოველკვირეული ანგარიში" მოიცავს იმ ადამიანთა რაოდენობას, ვინც პირველად განაცხადეს უმუშევრობის შემწეობის დაზღვევაზე. ეს გვაძლევს სასარგებლო, განახლებულ სიახლეებს შრომის ბაზრის მდგომარეობის შესახებ, განსაკუთრებით მაშინ, როდესაც ის ემთხვევა დასაქმების მდგომარეობის ანგარიშის კვირის რეპორტს.
განაცხადები უმუშევრობაზე არის სასარგებლო რესურსი იმისთვის, რომ შეგვექმნას წარმოდგენა მომავალი ცვლილებების შესახებ ყველაზე მნიშვნელოვანი, ყოველთვიური არასასოფლო-სამერუნო სფეროში დასაქმებულთა ანგარიშზე, თუმცა ამ ორს შორის ზუსტი კორელაცია არ არსებობს. მოკლევადიანი ცვლილებები შრომის ბაზარზე უფრო მეტად აისახება ყოველკვირეული უმუშევრობის შემწეობის მონაცემებში, ვიდრე დასაქმების ყოველთვიურ ანგარიშში. თუმცა, ეს არის ერთ -ერთი ყველაზე შთამბეჭდავი ყოველკვირეული ანგარიში ფორექს და CFD ფასებისთვის.
ვიმედოვნებთ, რომ ეკონომიკური მაჩვენებლების ეს დეტალური განმარტებები დაგეხმარათ. თუმცა რა თქმა უნდა მათი სია არ არის ამოწურული, მაგრამ ჩამოთვლილთაგანნი არიან ერთ-ერთი ყველაზე ეფექტური ეკონომიკური მაჩვენებლები, ფორექსის ბაზარზე ვაჭრობისთვის. გახსოვდეთ, რომ როდესაც ჩვენ აღვწერთ ეკონომიკური შედეგების შესაძლო გავლენას, ასევე ვაყოლებთ გაფრთხილებას: „ყველა სხვა თანაბარ პირობებში“.
ანუ, ფაქტობრივი შედეგები შეიძლება იყოს უფრო ნიუანსური, ვიდრე მხოლოდ ერთი ცვლადი, რომელიც არის პროცესში. სახელფასო ანგარიშების ძლიერი შედეგი ჩვეულებრივ აშშ დოლარისთვის ითვლება აღმავალ (ხარის) ტრენდად, მაგრამ ფორექს ტრეიდერებმა ასევე უნდა მიაქციონ ყურადღება, თუ როგორ შეიძლება ინფლაციურმა მოლოდინმა გავლენა მოახდინოს მონეტარულ პოლიტიკაზე. ეს არის გზა, რომელსაც მიყვებიან ცენტრალური ბანკები და იმაზე, რაც უკვე შეფასებულია ფორექსის ბაზარზე.
ჩვენი პარტნიორები:
Georgian
English
Russian
German
