MT5 -ის გარიგების/ორდერის სპეციფიკაციები

ორდერის ტიპები

ტრეიდერებს შეუძლიათ განათავსონ როგორც საბაზრო, ისე გადადებული ორდერები.

საბაზრო ორდერები/გარიგებები

საბაზრო ორდერები/გარიგებები: ეს არის მოცემულ დროს მიმდინარე საბაზრო ფასით ყიდვის ან გაყიდვის ბრძანება. სისტემა ავტომატურად ახდენს მოცულობის აგრეგირებას, რომელიც მოწოდებულია ლიკვიდურობის პროვაიდერებისგან და ასრულებს "საბაზრო ორდერს", მიმდინარე მომენტში არსებულ ყველაზე მომგებიან ფასზე.

გადადებული ორდერები:

გადადებული ორდერები:ეს არის ყიდვის ან გაყიდვის ბრძანება, ფასის კონკრეტულ ნიშნულზე ანუ "Stop ფასზე". როგორც კი ფასი მიაღწევს „Stop ფასის“ ზღვარს „Stop ორდერი“ გააქტიურდება და გადაიქცევა საბაზრო ორდერად. თუ „Stop ორდერი“ არ არის აქტიური, ის სისტემაში განთავსებულად რჩება, იქამდე, სანამ ბაზარზე არ განხორციელდება ის პირობები, რაც მიუთითეთ მისი განთავსების დროს, ან იმ თარიღის გასვლამდე, რა ვადამდეც განათავსეთ იგი. CFDs, FX, მეტალებსა და ფიუჩერსებზე „Stop ორდერი“ უნდა განთავსდეს მიმდინარე საბაზრო ფასიდან მინიმალური პუნქტების დაშორებით. დამატებითი ინფორმაციისთვის იხილეთ MT5 პლატფორმის სავაჭრო პირობები.

Stop Loss/ზარალის შეჩერება:ეს არის დანაკარგების შემცირების ბრძანება. როგორც კი ბაზარი მიაღწევს „ზარალის შეჩერების ფასს“, ორდერი ხდება „საბაზრო ორდერი“ თუ იგი არ არის გააქტიურებული, ის რჩება სისტემაში. „ზარალის შეჩერება“ CFD, ლითონებსა და ფიუჩერსებზე უნდა განთავსდეს ამჟამინდელი საბაზრო ფასისაგან, მინიმალური პუნქტების დაშორებით. დამატებითი ინფორმაციისთვის იხილეთ :MT5 პლატფორმის სავაჭრო პირობები.

ლიმიტის ორდერი: ეს არის ყიდვა-გაყიდვის ბრძანება, მაშინ როცა ბაზარი მიაღწევს „ლიმიტის ფასს“. თუ „ლიმიტის ორდერი“ არ არის აქტიური, ის სისტემაში განთავსებულად რჩება, იქამდე, სანამ ბაზარზე არ განხორციელდება ის პირობები, რაც მიუთითეთ მისი განთავსების დროს, ან იმ თარიღის გასვლამდე, რა ვადამდეც განათავსეთ იგი. მას შემდეგ, რაც ბაზარი მიაღწევს „ლიმიტის ფასს, „ლიმიტის ორდერი“ ამოქმედდება და შესრულდება "ლიმიტის ფასად" ან უკეთესად. იგი CFD, ლითონებსა და ფიუჩერსებზე უნდა განთავსდეს ამჟამინდელი საბაზრო ფასისაგან, მინიმალური პუნქტების დაშორებით. დამატებითი ინფორმაციისთვის იხილეთ: MT5 პლატფორმის სავაჭრო პირობები.

Take Profit/შემოსავლის დაფიქსირება: ეს არის მიღებული შემოსავლის დაფიქსირების ბრძანება. როგორც კი ბაზარი მიაღწევს "მოგების დაფიქსირების ფასს", ბრძანება ხდება "ლიმიტის ორდერი". თუ ორდერი „შემოსავლის დაფიქსირება“ არ გააქტიურდება, ის რჩება სისტემაში გარკვეული დროით. იგი CFD, ლითონებსა და ფიუჩერსებზე უნდა განთავსდეს ამჟამინდელი საბაზრო ფასისაგან, მინიმალური პუნქტების დაშორებით. დამატებითი ინფორმაციისთვის იხილეთ: MT5 პლატფორმის სავაჭრო პირობები.

GTC ორდერი (ორდერის მოქმედების ვადის გასვლა):ეს არის ტრეიდერის მიერ მითითებული „გადადებული ორდერების“ მოქმედების ვადა ანუ თარიღი, რომლამდეც ორდერი იქნება განთავსებული. თუ ორდერი არ გააქტიურდება მითითებულ თარიღში, იგი ავტომატურად წაიშლება სისტემიდან.

გადადებული ორდერის მოდიფიცირება/წაშლა: ტრეიდერს აქვს უფლება შეცვალოს / გააუქმოს „გადადებული ორდერი“, თუ ბაზარზე ფასი ვერ მიაღწევს მის მიერ მითითებულ დონეს.

ფასის გასრიალება: ორდერის გახსნის დროს, ტრეიდერის მიერ მოთხოვნილი კონკრეტული ფასი შეიძლება არ იყოს ხელმისაწვდომი, ამ შემთხვევაში, ბრძანება შესრულდება მის მოთხოვნილ ფასთან ახლოს ან რამდენიმე პუნქტით დაშორებულ ფასზე. თუ შესრულების ფასი ტრეიდერის მიერ მოთხოვნილ ფასსზე უკეთესია, ეს მოიხსენიება როგორც "პოზიტიური გასრიალება". და პირიქით, თუ შესრულების ფასი ნაკლებად ხელსაყრელია, ვიდრე ტრეიდერის მიერ მოთხოვნილი ფასი, ეს ითვლება, როგორც "ნეგატიური გასრიალება“. გთხოვთ გაითვალისწინოთ, რომ "ფასის გასრიალება” არის ჩვეულებრივი საბაზრო პრაქტიკა საერთაშორისო სავალუტო ბაზარზე , გარკვეულ პირობებში *, მაგალითად, ლიკვიდურობის ნაკლებობა და არასტაბილურობა ეკონომიკური სიახლეების გამოქვეყნების დროს და ა.შ. VIPTRADE -ის ავტომატიზირებული პროგრამული უზრუნველყოფა არ მუშაობს ინდივიდუალური პარამეტრების საფუძველზე, რომლებიც დაფიქსირებულია კონკრეტული კლიენტების მიერ პირად კაბინეტში.

* გთხოვთ გაითვალისწინოთ, რომ ეს ჩამონათვალი არ არის ამომწურავი.

საბაზრო ორდერები

ბაზარი	MetaTrader 5
შესრულება	საბაზრო ორდერები/გარიგებები
ფასის გასრიალება
ნაწილობრივი შევსება
დონის შეზღუდვები ორდერებზე „Stop და Limit “	N/A
საკომისიო	N/A
დამატებითი გადასახადი

გადადებული ორდერები:

Stop ორდერები (BUY STOP, SELL STOP, STOP LOSS)	MetaTrader 5
შესრულება	საბაზრო ორდერები/გარიგებები
ფასის გასრიალება
ნაწილობრივი შევსება
დონის შეზღუდვები ორდერებზე „Stop და Limit “
საკომისიო	N/A
დამატებითი გადასახადი

ლიმიტის ორდერები (BUY LIMIT, SELL LIMIT, TAKE PROFIT)	MetaTrader 5
შესრულება	ლიმიტირებული ორდერი
ფასის გასრიალება
ნაწილობრივი შევსება
დონის შეზღუდვები ორდერებზე „Stop და Limit “	N/A
საკომისიო
დამატებითი გადასახადი

ყიდვის «BID» ფასები დიაგრამაზე:
პლატფორმაზე დიაგრამა აჩვენებს მხოლოდ «BID» ფასებს, მაშინ როცა «ASK», ანუ გაყიდვის ფასები არ არის მოცემული. ამავე დროს, «ASK» ფასი ყოველთვის გამოიყენება გრძელვადიანი პოზიციების გახსნის და მოკლეების დახურვისას. «ASK» ფასის ხილვადობა შეგიძლიათ გაააქტიუროთ „Show line“ პარამეტრის ჩართვით, რის შემდეგ დიაგრამაზე ჩნდება დამატებითი ჰორიზონტალური ხაზი, რომელიც აჩვენებს ამჟამინდელ «ASK» ფასს.

მცოცავი Stop:
„ზარალის შეჩერება“ (Stop Loss) მიზნად ისახავს დანაკარგების შემცირებას, როდესაც ფასი ჩვენთვის არასასურველი მიმართულებით დაიწყებს მოძრაობას, „ზარალის შეჩერების“ დონე შეგვიძლია ხელით გადავწიოთ და ვმართოთ. ამ პროცესის ავტომატიზაციის მიზნით შეიქმნა „მცოცავი Stop” (Trailing Stop). ეს ინსტრუმენტი განსაკუთრებით გამოსადეგია, როდესაც ფასები მკვეთრად იცვლება ერთი მიმართულებით ან როდესაც არ არსებობს ბაზრის მუდმივი მონიტორინგის საშუალება ამა თუ იმ მიზეზის გამო. გაითვალისწინეთ, რომ „Trailing Stop“ მუშაობს პლატფორმაზე და არა სერვერზე (როგორც Stop Loss ან Take Profit) ამიტომ პლატფორმის გამორთვის შემთხვევაში, იგი არ იქნება ხელმისაწვდომი.

Buy Stop Limit და Sell Stop Limit ორდერები
ეს არის ორდერები, რომლებიც აერთიანებს Stop და Limit გარიგებებს. „Stop-limit ორდერი“ შესრულდება მითითებულ ფასზე, მას შემდეგ რაც ფასის ნიშნული მიაღწევს „სტოპ ფასის“ კონკრეტულ დონეს. სტოპ ფასის მიღწევის შემდეგ, Stop-limit ორდერი ხდება ლიმიტის ყიდვის ან გაყიდვის ორდერი.

EA და HFT (მაღალი სიხშირის ვაჭრობა).
MetaTrader 5 სრულად თავსებადია (EA) და ავტომატიზირებულ სავაჭრო სისტემებთან, რაც ფორექსის საბაზრო პირობების და ლიკვიდურობის შესაბამისია. გახსოვდეთ, რომ EA და HFT ფუნქციონირებს ტრეიდერის პლატფორმაზე, მაგრამ არა სერვერზე, ამიტომ პლატფორმის გამორთვის შემთხვევაში, იგი არ იქნება ხელმისაწვდომი.

ჰეჯირების არ არსებობა MT5 პლატფორმაზე::
MT5 პლატფორმაზე, თუ სავალუტო წყვილზე გახსნით ყიდვის პოზიციას და შემდეგ განათავსებთ გაყიდვის ორდერს, იმავე წყვილზე იგივე მოცულობით, ამ მოქმედების შედეგად დაიხურება მიმდინარე გარიგება.

გაერთიანებული პოზიციები
MT5 პლატფორმა უზრუნველყოფს პოზიციების გაერთიანების ფუნქციას. რაც ნიშნავს, რომ თუ განათავსებთ ყიდვის ორდერს 1 ლოტით EUR/USD წყვილზე, და ასევე გახსნით მეორე ანალოგიური ყიდვის ორდერს, 1 ლოტით და იგივე წყვილზე, ვაჭრობა ავტომატურად ითვლება, როგორც ერთი გარიგება ჩართული 2 ლოტით და არა, როგორც ორი ცალკეული ვაჭრობა. ამ შემთხვევაში, გამოითვლება პოზიციის საშუალო ფასი: (პირველი გარიგების ფასი X პირველი გარიგების მოცულობა + მეორე გარიგების ფასი X მეორე გარიგების მოცულობა) / (პირველი გარიგების მოცულობა + მეორე გარიგების მოცულობა)

სპრედის ცვალებადობა
გთხოვთ გაითვალისწინოთ, რომ თანამშრომლობის პირობების თანახმად, კომპანია იტოვებს უფლებას გაზარდოს ან შეამციროს სპრედის რაოდენობა, რომელიც გვხვდება არასტანდარტულ საბაზრო პირობებში.

სვოპი
გთხოვთ გაითვალისწინოთ, რომ თუ პოზიციას გახსნილს ტოვებთ მომდევნო დღემდე, დაგერიცხებათ სვოპი. სვოპი არის საპროცენტო გადასახადი, რომლის გადახდაც გეკისრებათ ყოველი სავაჭრო დღის ბოლოს დატოვებულ გარიგებებზე.

მნიშვნელოვანია გახსოვდეთ, რომ სვოპზე შეგიძლიათ მიიღოთ მოგებაც და ზარალიც, ასე რომ როლოვერი შეიძლება იყოს დადებითი ან უარყოფითი. არსებობს ასევე შესაძლებლობა, რომ ზოგიერთ ინსტრუმენტს ჰქონდეს უარყოფითი როლოვერის მნიშვნელობა ორივე მხრიდან. რადგან VIPTRADE თავის საკომისიოს იღებს ორ ვალუტას შორის ერთდღიანი საპროცენტო განაკვეთის სხვაობაზე, ამიტომ დადებითი და უარყოფითი მნიშვნელობები მცირდება შესაბამისი გზით.

”სვოპი” ავტომატურად ირიცხება ტრეიდერის ანგარიშზე, მისი ჩამოჭრა ხდება 21:59 საათზე (GMT). პარასკევიდან შაბათამდე სვოპის გადახდა ხდება სამჯერადი ტარიფით.