აშშ-ის სახაზინო ბონდების მომგებიანობა 2019 წლის უდაბლეს მაჩვენებელთანაა

ყოველკვირეული ფუნდამენტალური ანალიზი
აშშ-ის სახაზინო ბონდების მომგებიანობა 2019 წლის უდაბლეს მაჩვენებელთანაა

შეერთებულ შტატებსა და ჩინეთს შორის სავაჭრო საკითხებზე მიმდინარე მოლაპარაკების ჩაშლას, სახაზინო ბონდების ბაზრის დაზარალება შეუძლია, რადგან სავაჭრო ომის გაგრძელების პერსპექტივამ, ბონდების მომგებიანობა მიმდინარე წლის მინიმალურ მაჩვენებლებამდე შეამცრა.

დიდი ალბათობით, დღეს შეერთებული შტატები ჩინური პროდუქციის დიდ ნაწილზე ტარიფებს გაზრდის. ჩინეთი საპასუხო ქმედებით იმუქრება. ასეთ სიტუაციაში, მოლაპარაკების გაგრძელების და მითუმეტეს, შეთანხმების მიღწევის შანსიც მკვეთრად შემცირდება. ამ ყველაფერს, გლობალური ეკონომიკის ზრდის პროცესის დაზარალება შეუძლია. ინვესტორები ფიქრობენ, რომ სტაბილურობის შემთხვევაში, სახაზინო ბონდების მომგებიანობა, წლის მეორე ნახევარში გაიზრდება. მაგრამ აშშ-სა და ჩინეთს შორის დაძაბულობის ესკალაციის ახალ ფაზას, ყველაფრის შეცვლა შეუძლია.

„მორგან სტენლი ინვესტმენტ მენეჯმენტის“ ფიქსირებული შემოსავლის პორტფელის მენეჯერი ჯიმ კერონი ფიქრობს, რომ მსოფლიოს ორ უდიდეს ეკონომიკას შორის შეთანხმების ვერმიღწევას, ყველაფრის თავდაყირა დაყენება შეუძლია. ის ფიქრობს, რომ ამ შემთხვევაში, აშშ-ის 10-წლიანი სახაზინო ბონდების მომგებიანობა ადვილად გადალახავს წლის მინიმალურ მაჩვენებელს (2.34 პროცენტი, რაც მარტში დაფიქსირდა) და 2.25 პროცენტს მიაღწევს.

ასეთი მდგომარეობის მიუხედავად, კერონი ამბობს, რომ სანამ გლობალური ეკონომიკის ზრდის პროცესის შემაფერხებელი ძლიერი ფაქტორი არ გამოჩნდება, ის საინვესტიციოდ უპირატესობას კვლავაც სახაზინო ბონდებს მიანიჭებს.

„შროდერ ინვესტმენტ მენეჯმენტის“ ფიქსირებული შემოსავლის პორტფელის მენეჯერი ნილ სათერლენდი ამბობს, რომ მოლაპარაკების წარმატებით დასრულების შემთხვევაშიც, 10-წლიანი ბონდების მომგებიანობა ბევრად არ შეიცვლება და ის იმ დონეს (2.50 პროცენტი) მიაღწევს, რომელზეც მაშინ იყო, როცა მოლაპარაკების წარმატებით დასრულება რეალურად მოჩანდა. მისი აზრით, ბონდების ახალი შესყიდვების დასაწყებად, ყველაზე ხელსაყრელ მომენტად, მომგებიანობის 2.70 პროცენტამდე გაზრდა იქნება. მისივე აზრით, მომგებიანობის მკვეთრად შემცირებისთვის აუცილებელია, რომ ფედრეზერვმა მონეტარული პოლიტიკა რადიკალურად შეცვალოს, რაც განაკვეთის შემცირების შემთხვევაში მოხდება. ეს კი მას არარეალურად მიაჩნია.